War Deg-Deg ah

Agence France-Presse

Produced by Agence France-Presse

Febraayo 04, 2025
Shiinaha oo canshuur aargudasho ah ku soo rogay Mareykanka

Shiinaha ayaa Talaadada maanta ah shaaciyay in uu canshuur 15 boqolkiiba ku soo rogi doono dhuxusha iyo gaaska dabiiciga ah ee dareeraha ah ee uu kala soo dego dalka Maraykanka, kaddib markii Washington ay canshuur 10 boqolkiiba oo dheeraad ah saartay badeecooyin Shiinaha laga soo dhoofiyo.
Febraayo 03, 2025
Midowga Yurub oo Trump uga digay dagaal ganacsi

Hoggaamiyeyaasha Midowga Yurub oo Isniinta maanta ah ku kulansan Brussels ayaa uga digay Mareykanka in aysan jirin cid ka faa’iidaysa dagaal ganacsi, iyagoo ku celceliyay in ay qaadi doonaan tallaabooyin aargoosi ah haddii Madaxweyne Donald Trump uu ku soo rogo tacriif ama canshuur.
Febraayo 03, 2025
Aaska Xasan Nasrallah oo la qabanayo 23-ka Febraayo

Aaska hoggaamiyihii Xizbullah, Xasan Nasrallah, ayaa la qaban doonaa 23-ka Febraayo, sida uu Axaddii shaaciyey hoggaamiyaha haatan ee kooxda, bilo kaddib dhimashadii hoggaamiyihii ka horreeyey oo lagu dilay duqeyn cirka ah oo Israa’iil ay fulisay.
Febraayo 03, 2025
Erdogan oo Axmed Al-Sharaa ku casuumay Ankara

Madaxweynaha ku-meel-gaarka ah ee Suuriya, Axmed Al-Sharaa, ayaa Talaadada booqan doona Turkiga, taasoo noqon doonta safarkiisii labaad ee caalami ah tan iyo markii Bashaar Al-Asad xilka laga tuuray bishii December, sida ay shaacisay madaxtooyada Turkiga.
Jannaayo 31, 2025
Duqa Istanbul ee ay is-hayaan Erdogan oo maxkamad la soo taagay

Duqa mucaaradka ka tirsan ee magaalada Istanbul, Ekrem Imamoglu, ayaa Jimcaha maanta ah si adag u cambaareeyay waxa uu ugu yeeray "cadaadis dhanka garsoorka ah" oo lagu hayo, iyadoo kumanaan taageerayaashiisa ah ay caddaalad ka dalbanayeen maxkamadda horteeda.
Jannaayo 31, 2025
Militariga Mareykanka oo shaaciyey in ay dileen Maxamed Saalax al-Zabir

Ciidamada Maraykanka ayaa sheegay in ay dileen sarkaal sare oo ka tirsan garabka Al-Qaacida ee Suuriya kadib duqayn xagga cirka ah oo Khamiistii ka dhacday waqooyi-galbeed dalka Suuriya.
Jannaayo 30, 2025
Nin dhowr jeer Qur'aanka ku gubay Sweden oo la dilay

Nin si isdaba-joog ah ugu gubay kitaabka Quraanka Kariimka gudaha dalka Sweden 2023-kii, arrintaas oo dhalisay caro xooggan oo kaga timid dalalka Muslimka, ayaa lagu toogtay koonfurta magaalada Stockholm, sida ay sheegeen baarayaasha, iyagoo intaa ku daray in shan qof loo xiray falka dilkaas.
Jannaayo 29, 2025
Trump oo Netanyahu ku casuumay Aqalka Cad

Ra’iisul Wasaaraha Israel Benjamin Netanyahu ayaa lagu casuumay Aqalka Cad, halkaas oo uu kula kulmi doono Madaxweynaha Mareykanka Donald Trump 4-ta Febraayo, sida uu Talaadadii shaaciyey xafiiska ra’iisul wasaaraha Israel.
Jannaayo 29, 2025
Itoobiya 'waxay weerar ku haysaa' ururada xuquuqda aadanaha: HRW

Hay'adda Human Rights Watch ayaa Arbacada maanta sheegtay in xukuumadda Itoobiya ay “sii xoojineyso cadaadiska" ay ku hayso ururada bulshada rayidka ah, iyadoo cambaareysay hakinta ay toddobaadyadii la soo dhaafay ku sameysay laba urur oo si madax-bannaan ugu dooda xuquuqda aadanaha.
Jannaayo 29, 2025
Meloni oo loo baarayo sarkaal Libyan ah oo la sii daayey

Ra’iisul Wasaaraha Talyaaniga Giorgia Meloni ayaa Talaadadii shaacisay in iyada iyo laba ka mid ah wasiiradeeda lagu billaabay baaritaano, kaddib markii mas’uul Libiyaan ah, oo ay Maxkamadda Dambiyada Caalamiga ah (ICC) doonaysay, la sii daayay laguna celiyay dalkiisa.
Jannaayo 28, 2025
Khamenei: Gaza jilbaha ayey u dhigtay Israel

Hogaamiyaha sare ee Iiraan Ayatollah Cali Khamenei ayaa Talaadada maanta ah sheegay in Gaza ay "jilbaha u dhigtay" Israa'iil, isagoo ka hadlayay xabad-joojinta dhawaan laga gaaray dhulka Falastiin.
Jannaayo 27, 2025
Meloni oo hoos u dhigtay hadalladii Trump ee Gaza

Ra’iisul Wasaaraha Talyaaniga Giorgia Meloni ayaa Isniinta maanta ah sheegtay in aysan rumeysneyn in Donald Trump uu leeyahay “qorshe qeexan” oo lagu rarayo dadka Falastiiniyiinta ah ee Gaza, hase yeeshee ay soo dhaweysay doodda ku saabsan dib-u-dhiska dhulkaas.
Jannaayo 27, 2025
Pakistan: 4 nin oo dil loogu xukumay 'aflagaadeynta' diinta

Maxkamad ku taalla dalka Pakistan ayaa afar nin ku xukuntay dil, kadib markii ay baraha internet-ka ku faafiyeen qoraallo lagu aflagaadeynayo diinta, sida uu maanta sheegay xubin ka mid ah koox “qareenno gaar ah oo is-abaabulay” oo dacwaddan soo oogay.
Jannaayo 27, 2025
Imran Khan iyo xaaskiiska oo racfaan ka qaatay xukunadii lagu riday

Ra’iisul wasaarihii hore ee Pakistan, Imran Khan, oo xabsiga ku jira, iyo xaaskiisa Bushra Bibi ayaa Isniinta maanta ah rafcaan ka qaatay xukunno musuq-maasuq oo lagu riday, sida uu sheegay qareenkiisa.
Jannaayo 26, 2025
Trump oo doonaya in dadka Gaza loo raro Masar iyo Urdun

Madaxweynaha Maraykanka Donald Trump ayaa Sabtidii soo bandhigay qorshe uu ku tilmaamay mid "lagu nadiifinayo" Gaza, isagoo sheegay inuu doonayo in Masar iyo Urdun ay qaataan dadka Falastiiniyiinta ah ee ku nool deegaankaas.
Jannaayo 26, 2025
Talyaaniga oo billaabay in uu muhaajiriinta u tarxiilo Albania

Wasaaradda Arrimaha Gudaha ee Talyaaniga ayaa Axadda maanta ah shaacisay in dalku uu dib u bilaabay ku wareejinta muhaajiriinta xarumo muran badan dhaliyay oo ku yaalla dalka Albania, kadib markii 49 magangalyo-doon ah loo qaaday dalka ay badda jaarka ka yihiin.
Jannaayo 24, 2025
Taliban: Haddii ICC ay caddaalad tahay, ha maxkamadeyso Mareykanka

Dawladda Taliban ee Afghanistan ayaa Jimcaha maanta sheegtay in amar soo qabasho ah oo ay Maxkamadda Caalamiga ah ee Dambiyada (ICC) ku doonayso hoggaamiyayaasheeda uu yahay "mid ujeeddooyin siyaasadeed leh".
Jannaayo 17, 2025
Imran Khan oo lagu xukumay 14 sano oo xabsi ah

Maxkamad ku taal Pakistan ayaa Jimcaha maanta ah ku heshay ra'iisul wasaarihii hore ee Pakistan Imran Khan iyo xaaskiisa Bushra Bibi kiis musuq-maasuq oo taariikhi ah, waxayna Khan ku xukuntay 14 sano oo xarig ah.
Jannaayo 14, 2025
Xuutiyiinta oo mar kale gantaalo ku weeraray Israel

Milatariga Israel ayaa Talaadada maanta ah sheegay inay dhowr jeer isku dayeen inay soo ridaan gantaal laga soo riday Yemen kaasi oo dhawaqa digniinta ka yeeray bartamaha dalka.
Jannaayo 10, 2025
Wararkii ugu dambeeyey ee dabka Los Angeles

Dab ballaaran oo ku faafay xaafado ka tirsan Los Angeles, kaas oo barakiciyay kumannaan qof, ayaa ilaa hadda galaaftay nolosha ugu yaraan 10 qof, sida ay sheegeen mas’uuliyiinta, ayada oo Ciidamada Ilaalada Qaranka ee California loo diyaariyay inay gacan ka gaystaan ka hor-tagista nidaam darrida.

XS

SM

MD

LG